Wawan rembug

Wawan Rembug

Wawan rembug yaiku sawijining kegiyatan ngrembug utawa ndhiskusekake sawijining prakara supaya antuk mufakat lan kaputusan. Kegiyatan wawan rembug biasane ditindakake dening paling sithik wong loro. Nyemak wawan rembug klebu nyemak intensif, yaiku nyemak konsentratif.

Nyemak konsentratif yaiku kegiyatan nyemak kang dilakoni kanthi premati, kanggo entuk pemahaman kang apik tumrap informasi kang dirungokake. Ancase nyemak konsentratif antarane :

1.    Manut pituduh-pituduh, upamane pituduh ngisi formulir pendhaftaran.

2.    Nggoleki sesambungane antarunsur sajroning nyemak.

3.    Nggoleki sesambungane kuantitas lan kualitas sajroning komponen.

4.    Nggoleki informasi kang penting.

5.    Nggoleki urutan penyajian bahan semakan.

6.    Nggoleki gagasan utama.

Kegiyatan wawan rembug biasane ngrembug topik. Topik yaiku pokok pirembugan ing sajroning wawan rembug. Topik kang dirembug ana sajroning wawan rembug iku beda-beda. Wawan rembug dadi gayeng menawa topike isih aktual.