Campursari

Aja sujana

Aku wis ngaku salah kandha sak nyatane

Saka ati ramung ana lambe

Geni sing ning ati

Enggal disirami

Ya ben adhem kaya dhek wingi

Mbok wis aja sujana

Aja nyeksa raga

Tresna kuwi mesthi ana godha

Mawa sing ning dhadha

Enggal dileremna

Ya ben tentrem kaya dhek semana

Ronce-ronce melati benange lawe

Pupus klapa sing ngelengke

Nganti tuwa aku isih trisna kowe

Sanajan ana godha sepira akehe

Campursari

Caping gunung

Bawa :

Saben wengi nyawang konang

Yen memajang mung karo janur kuning

Kembang bae weton gunung

Pacitan sarwi jenang

Panas udan, panas udan aling-aling

Nadyan wadon sarwi lanang

Inumane banyu wening

Dhek jaman berjuang, njur kelingan anak lanang

Biyen dakopeni, ning saiki ana ngendi

Jarene         wis menang, keturutan sing digadhang

Biyen ninggal janji, ning saiki apa lali

Neng gunung, dakcadhongi sega jagung

Yen mendhung, daksilihi caping gunung

Syukur bisa nyawang, gunung desa dadi reja

Gene ora ilang, nggone padha lara lapa

Reff :

Neng gunung, dakcadhongi sega jagung

Yen mendhung, daksilihi caping gunung

Syukur bisa nyawang, gunung desa dadi reja

Gene ora  ilang, nggone padha lara lapa

Campursari

Ketaman Asmara

Saben wayah lingsir wengi

Mripat iki ora bisa turu

Tansah kelingan sliramu

Wong kang dadi pepujanku

Bingung rasaning atiku

Arep sambat nanging karo sapa

Nyatane ora kuwawa

Ngrasakake atiku mung tansah nelangsa

Reff :

Wis tak lali-lali

Nanging tekan besuk kapan

Nggonku mendhem ora bisa turu

Apa iki sing jenenge

Wong kang lagi ketaman asmara

Nyatane ora kuwawa

Ngrasakake atiku sing saya nelangsa

Crita cerkak

Crita cekak

Crita cekak yaiku crita gancaran kang ngandhut prastawa kang ora dawa lan ora akeh alur critane utawa sawijining karangan kang nyritakake bab-bab kang ana gegayutane karo lelakone manungsa kanthi ringkes, anggone nyritake saka wiwitan, tuwuh dredah, nganti carane ngrampungake masalahe. Ciri-cirine crita cekak yaiku critane ringkes, gegayutane karo lelakone manungsa, lan alur critane dumadi saka wiwitan, dredah, nganti ngrampungake prakara.

Unsur-unsur pambangun ing crita cekak antarane ing ngisor iki.

1.    Tema                   : gagasan penting sajroning crita

2.    Alur/plot             : lelakone para paraga wiwit lekas nganti pungkas.

3.    Penokohan          : nerangake watak wantune ( karakter ) para paraga.

4.    Latar/setting        : ngrembug papan, wektu, lan swasana jroning crita.

5.    Sudhut pandang   : carane panganggit nyritake critane.

6.    Amanat                : piwelinge penganggit marang kang maca crita iku.

Sawise mangerteni pangerten lan unsur-unsur kang mbangun crita cekak, kowe bisa ngapresiasi crita cekak kasebut. Apresiasi crita cekak yaiku kegiatan ngamati lan menehi pambiji marang wose crita cekak. Wos kang diapresiasi sajroning crita cekak biasane ngandhut nilai-nilai lan werdi. Nilai-nilai ing sajroning crita cekak kasebut ing ngisor iki.

1.    Nilai moral, yaiku wulangan ngenani becik, alane panindak, sikap, kuwajiban, akhlak, budi pakarti, lan kasusilan kang ditampa bebrayan.

2.    Nilai keagamaan, yaiku wulangan ngenani panghargaan dhuwur kang diwenehake dening warga masyarakat marang saperangan prakar pokok ing bebrayan keagamaan kang suci saengga bisa didadekake pepanthan kanggo tindak-tanduk kang ana gegayutane karo bebrayan kasebut.

3.     Nilai sosial, yaiku wulangan perangan-perangan kang ana gegayutane karo bebrayan agung.

4.     Nilai budaya, yaiku wulangan ngenani adhat-istiadhat kang katindakake ing sawijining dhaerah utawa negara kang ana gegayutane karo cara urip, cara mikir, lan cara kerja.

Tembang Dolanan

Tembang dolanan yaiku reriptan gagrag anyar sing ora nganggo paugeran guru gatra, guru wilangan, lan dhong dhing, nanging bisa dilagokake lan dibarengi wiramaning gendhing. Mula saka iku, tembang dolanan bisa diarani gendhing-gendhing dolanan. 

Tembang dolanan biyasa ditembangake dening bocah-bocah cilik, utamane ing padesan, sinambi dolanan bebarengan karo kanca-kancane lan bisa dibarengi wiramaning gendhing. Lumantar lagu dolanan, bocah-bocah dikenalake bab sato kewan, sato iwen, thethukulan, tetanduran, bebrayan, lingkungan alam, lan sapanunggalane. Kadang kala tembang dolanan uga ditembangake dening waranggana jroning swasana tinamtu ing pagelaran wayang kulit. 

Tembang dolanan kuna umume wujud kasusastran para anonim, yaiku ora dingerteni sapa pangriptane lan kapan dikarang uga ora dingerteni, nanging lelagon mau wis kaprah lan diapali dening bocah-bocah.

Tembang dolanan kuna

1. Cublak-cublak suweng 

2. Gajah-gajah

3. Sluku Bathok

4. Gundhul Pacul

5. Jamuran

6. Jaranan 

7. Kidang Talun

8. Kupu Kuwi

9. Lir ilir

10. Menthok-menthok

11. Padhang Bulan

12. Pitik Tukung

13. Suwe ora jamu

14. Te Kate Dipanah

Tembang dolanan gagrag anyar

1. Lesung Jumengglung

2. Swara Suling

3. Prau Layar

4. Warung Pojok

5. Goyang Semarang

6. Sapa Ngira

7. Ngundha Layangan 

8. Sapu Tangan

9. Mari Kangen

10. Caping-capinge

Tuladha :

                   Swara Suling

Swara suling, ngumandhang swarane 

thulat thulit, kapenak unine

uuuunine mung

nrenyuhake bareng lan kentrung

ketipung suling, sigrak kendhangane